Voltaremos!

Destacado

Voltaremos como o Depor pero nós imos un paso mais adiante e xa estamos de volta! O venres 25 de outubro teremos a nosa primeira xuntanza deste curso. Contaremos coa visita de Adela Figueroa autora da nosa lectura de verán “Atlantidae: Mulher D’Água”, falaremos con ela do libro, das súas obras, a súa traxectoria e mais cousas! Estaremos na biblioteca da EOI o venres 25 de outubro ás 12.30. Tamén compartiremos copias da nosa primeira lectura deste curso, o top seller do verán “Infamia” de Ledicia Costas.

Tod@s estades convid@s…mais info no correo endl.corunha@gmail.com e nas redes sociais

book club

 

Atlantidae, mulher d’água

Destacado

Para o verán sumerxirémonos nesta lectura de relatos sobre muller e mar, escritos por Adela Figueroa.
Un libro de contos moi recomendable, que contén unhas fermosas ilustracións de Celsa Sánchez. E tamén seguimos a estreitar o noso vínculo co portugués como xa fixeramos con Livro, e Casos do beco das sardinheiras en colaboración co departamento de portugués da EOI.

Feliz verán e feliz lectura!

1527582546130atlantidae

Por nós: Interferencias

Aquí podedes ler algúns comentarios sobre Interferencias, de Manuel Seixas.

Apuntaría varios temas que toca o autor, como son a soidade contra a que non poden nin os luxos da tecnoloxía, o conto dentro da novela en casos como o de Lupita ou o do maltratador con Alzeimer, a paisaxe durante a viaxe de cada día, a desilusión do mestre, a vellez vista por un neno…
….
O que máis me gustou foi como se describía o ambiente, a soidade. Hai veces que é tan realista que é duro ler. É un libro que me sorprendiu por como se ía desenvolvendo a historia, cando xa parecía que nada podía cambiar…
….
Creo que toca moitos temas e o final parece que procura un xiro inesperado (talvez demasiado inesperado) no que os problemas que supoñían superados semella que permanecen. Os ciumes por un lado e o maltrato por outro, que á fin son maltrato os dous. E esa man allea do final para demostrar que diante de tanto desconcerto, sempre aparece un amigo que trata de salvalos.
….
Quedáronme ganas de ler o libro de novo despois de falar del na reunión.
71fw6eeAHyL

Interferencias

Xuntámonos para falar de “Interferencias”

Estes días temos a nosa derradeira xuntanza deste curso e será para falar de “Interferencias”, unha novela de Manuel Seixas, publicada por Xerais.

Recomendamos que leades esta entrevista na que o autor explica algúns dos temas centrais da novela e a súa traxectoria artística.

Se ti tamén queres dar a túa opinión pero non podes vir á xuntanza, podes cubrir a enquisa que ves a continuación. É anónima e formará parte da colección de achegas que temos de cada libro que lemos.