Xuntanza con Adela Figueroa

Destacado

O mércores 6 de novembro (ao final non o 25/10) temos a honra de ter connosco Adela Figueroa, autora de Atlantidae. Imos quedar na biblioteca da EOI ás 12.30. Lembrade o día 6 de novembro ás 1230.  Estades tod@s @s amig@s do noso club de lectura mais que benvid@s

Atlantidae, mulher d’água

Destacado

Para o verán sumerxirémonos nesta lectura de relatos sobre muller e mar, escritos por Adela Figueroa.
Un libro de contos moi recomendable, que contén unhas fermosas ilustracións de Celsa Sánchez. E tamén seguimos a estreitar o noso vínculo co portugués como xa fixeramos con Livro, e Casos do beco das sardinheiras en colaboración co departamento de portugués da EOI.

Feliz verán e feliz lectura!

1527582546130atlantidae

Xuntámonos para falar de “Interferencias”

Estes días temos a nosa derradeira xuntanza deste curso e será para falar de “Interferencias”, unha novela de Manuel Seixas, publicada por Xerais.

Recomendamos que leades esta entrevista na que o autor explica algúns dos temas centrais da novela e a súa traxectoria artística.

Se ti tamén queres dar a túa opinión pero non podes vir á xuntanza, podes cubrir a enquisa que ves a continuación. É anónima e formará parte da colección de achegas que temos de cada libro que lemos.

Ser Modou Modou, de Cheikh Fayé.

O 25 de abril teremos unha nova xuntanza do club de lectura en galego, e coñeceremos ao autor do libro que estamos a ler: Cheikh Fayé, o senegalés que escribe en galego.

Este “senegalego”, como di el mesmo, recolle neste libro as súas reflexións sobre a “inmigración senegalesa, da nosa cultura e de Galicia, do que aquí nos ocorre”.

Neste artigo podedes ler unha fermosa reseña escrita por Francisco Vidal.