#RosalíaTe

O 24 de febreiro conmemórase un ano máis o día de Rosalía de Castro. E nós, que non perdemos ocasión de sumarnos a calquera iniciativa que axude a dar valor ao noso, queremos lembrar a figura de Rosalía e axudar a difundir a súa obra e a relevancia que ten para a nosa cultura.

Na páxina da  Asociación de Escritoras e Escritores en Lingua Galega podedes consultar todos os actos que se levarán a cabo co gallo do día de Rosalía. Ademais podedes ler o manifesto escrito por Ledicia Costas, que é a autora do libro que estamos a ler no club.

Lembrade tamén o noso acto na EOI da Coruña ás 11.30 no salón de actos: un recital de poesía da autora en galego e máis linguas de estudo na escola: inglés, xaponés, francés, árabe e portugués.

stories-1

O día de Rosalía

Featured

O vindeiro 24 de febreiro celebraremos na EOI unha homenaxe a Rosalía de Castro, unha das autoras galegas máis traducidas.

Será un recital moi especial no que escoitaremos poesía de Rosalía traducida nas linguas de estudo da EOI e acompañarémolo de música e unha curta de Daniel Suárez titulada Tornar baseada nun poema da autora.

Deste xeito celebraremos a universalidade da temática e obra de Rosalía de Castro.

Se queres participar de forma activa e ler ese día un poema de Rosalía  envía unha mensaxe a endl.corunha@gmail.com para poder telo preparado.

#DíadeRosalía    

stories-1

María Vázquez en “O Club de Calceta”

O vindeiro 20 de abril ás 20h terá lugar a gala de entrega de premios do VI Festival CinEOI, na que estará María Vázquez exercendo de Presidenta de Honra, como outros anos o foron Xosé Antonio Touriñán, Luís Iglesias, Isabel Blanco, ou Luís Tosar.

1934627_1065775476817557_7133219437345480512_n10604067_1049704215091350_2869187853039256876_o

Unha das súas intervencións foi na longametraxe de televisión que se fixo en 2009 dunha obra que se lera no noso club de lectura: O Club da Calceta, pola que gañou o Premio Mestre Mateo á mellor actriz no ano 2009.

Penso que é un bo momento para lembrar iso, e tamén algunha das ligazóns que no seu día se partillaran no Babel Online:

_______________________________________________________________

 

O Club da Calceta

http://www.culturagalega.org/lg3/novidade.php?Cod_prdccn=997

http://mariareimondez.com/

http://vello.vieiros.com/gterra/novaphp?Ed=38&id=53683&cm=1

http://gl.wikipedia.org/wiki/Mar%C3%ADa_Reim%C3%B3ndez

Ligazón para o trailer da longametraxe para TV que se fixo no 2009:

__________________________________________________________

As ligazóns sobre as obras que se leron no club de lectura no pasado están na sección cursos anteriores deste blogue.

 

 

#mobilizaRosalía

Como saberedes o pasado 24 de febreiro celebrouse o Día de Rosalía ou Festa de Rosalía como se veu chamando tamén.

Tendo un blog do club de lectura en galego non podemos deixar de sumarnos ao movemento cultural que inundou a rede o día 24 coa etiqueta #mobilizaRosalía.

No Facebook tamén nós partillamos algúns versos e imaxes de Rosalía, pois sen dúbida convén manter moi viva a memoria da nosa autora, figura esencial da literatura e cultura galega.

 

Levo (2)

Para gozar de máis poesía musicada, podedes visitar a páxina Son de Poetas.